Albert Maritz leef hy homself uit in ‘n verskeidenheid terreine gedurende sy loopbaan
van veertig jaar. As akteur druk hy sy stempel af op radio, die verhoog, televisie,
asook films op die wye doek. Hy maak ook naam as regisseur op elke terrein. Tot
dusver was hy die meeste van die tyd - wanneer hy optree as regisseur, ook vervaardiger.
Hy beskryf sy funksie wanneer hy vervaardig en/of regisseer, as “fasiliteerder”.
As jong seun word hy bekendgestel aan musiek, kuns, teater, radio, rofstoei,
atletiek, fietsry en sy pa, Dawie Maritz se donkerkamer, waar hy fotos ontwikkel
het. het.
Albert onthou hoe sy pa die uitsaaier was by die legendariese Goodwood skou - by
die Totaltoring. Hier het hy alles – van verlore kindertjies, pannekoek, trekkers,
stampkar- en
hondevertonings, die slangpark en Dairy Bell en Alwarwo se produkte adverteer.
Albert onthou goed hoe die volume so groot geword het, dat sy pa kort
kassetbandjies laat maak het, en self deuntjies vir kenwysies geskep het,
veral met sy mondfluitjie, viool, klavier en dies meer – om produkte van mekaar te
onderskei.
Die stemopnames vir al die produkte het hy self in sy 1970’s tuisateljee opgeneem.
Van kleintyd af begin Albert sy pa hier help, en kort-voor-lank behartig hy stoksielalleen
sy eie skofte by die Goodwood skou se Totaltoring.
Albert beweer: “Ek is eintlik gespierd; maar is bloot sonder ‘n borskas gebore.“
Sy wortels in die vermaaklikheidsindustrie loop diep. Baie van sy ervaring is in
die vorm van bykans genetiese blootstelling. Maar hy is ook opgelei in talle dissiplines.
Onder formele opleiding tel ‘n BA Drama graad (Stellenbosch en UNISA), ‘n hoër onderwysdiploma
(UNISA), enkelkamera-opleiding en multikamera-opleiding (SAUK), en opleiding as eindbeheerregisseur
by televisie (SAUK). Hy vervaardig en regisseer sy eerste professionele produksie
vir televisie: “Groot, groter as...., N.P. Van Wyk Louw” in 1996. Albert was al
eindbeheer-regisseur by TV , sportredakteur-en aanbieder by Punt Geselsradio, regisseur
en aanbieder van kuns en vermaak, ook by Punt Geselsradio (1997- 99). Albert roem
homself op sy eerste prys toe hy in 1998 as wenner aangewys word van die Supersport
Media Celebrity Super 10 Rugbykompetisie. Hy stof name uit soos Naas Botha, Hugh
Bladen, Gavin Cowley en andere. Albert gee o.a. ook deeltyds klas by ‘n kollege vir
vir 7 jaar.
Albert verwys dus soms grappenderwys na homself as “’n Bellville Burgersentrum- en
KRUIK-baba”. Dis hier waar hy as seuntjie elke denkbare opvoering bygewoon het, min
wetende dat hy eendag in sy pa se voetspore sou volg in dieselfde bedryf waarin Dawie
Maritz omstrede, gesog en legendaries was.
- Twee produksies vir teater: “Die Van Aardes van Grootoor” deur Pieter-Dirk Uys,
asook “Mooi Maria” deur Pieter Fourie, word beide by die Innibosfees te Nelspruit
, en Mooi Maria by talle ander feeste gesien.
- Albert vertolk die rol van Lawrence Anthony, bewarings-
befaamde skrywer en olifant-
hanteerder - in ‘n advertensie vir die Coronationgroep.
- Albert was onlangs te sien in die KykNET televisiereeks, “Vloeksteen”.
- Beste akteur in ‘n TV reeks: Vir sy spel as Herman Roodt in die TV-reeks “TORINGS”
ontvang hy die gesogte Artes toekenning.
- Veertjie - saam met Neil Sandilands, ontvang die ATKV Veertjie-toekenning vir
sy werk as mede-vervaardiger/ regisseur van “Impresario” - oor legendes in die Suid-Afrikaanse
radio-, TV, film- en teaterbedryf.
- AA-Vita nominasie vir "Stille Nag"
- Fleur Du Cap toekenning vir regie van "Die Rebellie van Lafras Verwey"
- Beste Akteur nominasie vir spel in ‘n reeks "Africa PI"
Ontwerp en Uitleg: AhJayEm
