Skryfsels

Albert word die eerste keer genoop om sy hand aan skryfwerk te slaan - in 1988. Hy voel hom gemaklik en geinspireer deur die publikasie, “Vrye Weekblad”. Hier skryf hy volbladartikels oor o.a. Peter Kirsten en Adrian Kuiper. Die artikel oor laasgenoemde verskyn dae voordat Kuiper ‘n besoekende Engelse span uitmekaarslaan - ‘n ‘scoop’ sou mens kon sê.

Mens kan al spore sien van sy latere verering van legendes in die vermaaklikheidsbedryf, (“Impresario”) deur onderhoude met legendes en akteurs soos Chippi van der Merwe, Neels Coetsee e.a.

Hy skryf kritiese skrywes oor wanpraktyke onder ‘n skuilnaam, Linda du Preez.

Albert word opgelei as vertaler by oorklanking, maar in Kaapstad in die pad gesteek. Hy beland in Johannesburg vir die TV rol in “Konings”, en word daar heraangestel - deur die hooftaalreviseur, as meestervertaler.

In hierdie tydperk koop SABC die meesterrreeks, ‘Northern Exposure’ aan. Dit word vertaalopdragte aan SABC se top vertalers. Van die eerste 9 episodes, vertaal Albert vyf. Die vertaalde titel is “Goeiemôre Alaska”. Albert se vertalings ontlok oorweldigende positiewe kommentaar van elke regisseur - o.a van die mees bekroonde regisseur en vertaler, Cobus Visser.

Sedertdien is van Albert se suksesvolste skryfwerk vir die teater, die stukke wat hy skryf vir Procare. Hiermee ry hulle die Kaapse platteland plat, as deel van opheffings-, bemagtigings- en opvoedingsprojekte.

Hierdie werk is o.a. gemik op

Geweld teen Vroue

Kindermishandeling

MIV VIGS

Twee van hierdie stukke word verwerk en verfilm as rolprente. Albert skryf al ‘n paar jaar vir Litnet resensies, en ‘n rubriek, by name “Die baba met die badwater”.

Albert is finale taalreviseur vir publikasies soos

JANS RAUTENBACH: DROMER BAANBREKER EN AUTEUR

DIE NAGTEGAAL TEKSPRYS samestelling van finaliste, waaronder:

Naaimasjien deur Rachelle Greeff

Maskermaan deur Cecilia du Toit
Hol deur Nicola Hanekom
Marie Wie? deur Kobus Burger
Jonas deur Daleen Kruger